ფოტოფაქტი – თბილისში ახალი მრავალფუნქციური კლინიკა – ი. ჟორდანიას სახელობის სამედიცინო ცენტრი გაიხსნა
თბილისში, ნუცუბიძის #33- ში ახალი მრავალფუნქციური კლინიკა - ი. ჟორდანიას სახელობის სამედიცინო ცენტრი გაიხსნა. კლინიკა 100 საწოლითაა წარმოდგენილი და მის მთავარ მიზანს ინარჩუნებს, ესაა ქალისა და მამაკაცის რეპროდუქციული ჯანმრთელობა, ამავდროულად კლინიკა გააერთიანებს შემდეგ მიმართულებებს: ორსულთა მეთვალყურეობა, გინეკოლოგია, გინეკოლოგიური ქირურგია, უროლოგია, მამოლოგია, მეანობა-ნეონატოლოგია.
საბურთალოს ტერიტორიაზე, ი. ჟორდანიას სამედიცინო ცენტრი მსგავსი შინაარსის პირველი სამედიცინო დაწესებულება და სამშობიარო იქნება. მედიკოსები აღნიშნავენ, რომ
მკურნალობისა და დიაგნოსტიკის თანამედროვე მეთოდების სინთეზი, უსაფრთხო და ეფექტური იქნება პაციენტებისთვის.
შეგახსენებთ, რომ ი. ჟორდანიას სამედიცინო ცენტრი ქალისა და მამაკაცის რეპროდუქციული მედიცინისა და გინეკოლოგიის მიმართულებით საქართველოში პირველი სპეციალიზებული სამედიცინო ცენტრია, რომლის ისტორიაც 1958 წლიდან იწყება. 2016 წლიდან, კი ი. ჟორდანიას სახელობის ინსტიტუტი “ვივო მედიქალ ჯგუფში” გაერთიანების შემდეგ, სრულად განახლდა და ახალი შემადგენლობით დაიწყო ფუნქციონირება.
