განსაკუთრებული ექსტერიელი, უნიკალური ლანდშაფტი, სახასიათო ინტერიერი – ზღვისპირა ქალაქის პირველი ეკომეგობრული სივრცე საქართველოში

გურიაში, შეკვეთილში, "მუსიკოსთა პარკში" განსაკუთრებული სივრცეა, მათთვის ვისთვისაც ბუნებასთან სიახლოვე მშიშვნელოვანია. საფხულის დადგომასთან ერთად, ზღვისა და მწვანე სივრცის მოყვარულები ხშირად სტუმრობენ "სოციალ სივრცეს", რომელიც პირველი ეკომეგობრული ადგილია საქართველოში.

პროექტის ავტორი „Black Sea Arena“-ს შემოქმედებითი გუნდია, მთავარი მიზანი როგორც ავტორები აღნიშნავენ, იყო სუფთა გარემო, ამიტომ სივრცის ინტერიერის შესაქმნელად სწორედ ბუნებრივი მასალები გამოიყენეს.

გასაოცარ ლოკაციაზე დაგხვდებათ, ტყის ბიბლიოთეკა, კონცეპტუალური მაღაზია, მოსასვენებელი და სამუშაო სივრცე, მიქსოლოგიური ბარი და აზიური სამზარეულო. რამდენიც არ უნდა მოგიყვეთ ამ გამორჩეულ ადგილზე სჯობს ზაფხულის ერთ დღეს, ზღვაზე ყოფნისას თავად მოინახულოთ.