ბრიტანულმა გამოცემა Which? Travel -მა თბილისი და საქართველო მაისში მოსანახულებელი ქვეყნების საუკეთესო ექვსეულში შეიყვანა

თბილისი და საქართველო მაისში დასვენებისთვის 6 საუკეთესო მიმართულებას შორისაა. ბრიტანული გამოცემა Which? Travel-ი ტურისტებს ურჩევს, საქართველოში მაისში იმოგზაურონ, როცა ტემეპერატურა, მაქსიმუმ, 23°C გრადუსია, რომ თავიდან აიცილონ ზაფხულის სიცხე, განსაკუთრებით, თუ ისინი დაბლობების მონახულებას აპირებენ.

Which? Travel-მა სეირნობის, ტაძრების დათვალიერებისა და ღვინის დეგუსტაციის მხრივ მაისში საუკეთესო დასასვენებელი ადგილები დიდ ბრიტანეთში, ევროპასა და მის ფარგლებს გარეთ შეარჩია.

„დედაქალაქ თბილისის ხეობის დრამატული გარემო და ფერადი ძველი ქალაქი, თავისი ქვაფენილიანი ქუჩებითა და გუმბათის ფორმის აბანოებით, აუცილებლად გაგაოცებთ…. ევროპასა და აზიას შორის მოქცეული საქართველო მოგზაურთა სურვილების სიაში თანდათან იკვეთება და ეს შემთხვევითი არაა: იქ თქვენ დიდებულ მთები, ბორცვებზე აღმართული მონასტრები, მდიდარი კერძები და სასმელები გელით… კულინარიული მაჩვენებლებია ხაჭაპური (ოვალური ფორმის პიცა ზემოდან ყველითა და კვერცხით) და ხინკალი (ბულიონით სავსე დამპლინგი). ნებისმიერი მათგანი შეუხამეთ უგემრიელესი ჭიქა წითელ ღვინოს. საქართველო მსოფლიოში ერთ-ერთი უძველესი ღვინის მწარმოებელი ქვეყანაა, სადაც 500-ზე მეტი ადგილობრივი ვაზის ჯიშია,“ – წერს Which? Travel.

მაისში მოსანახულებლად Which? Travel-ის საუკეთესი ექვსეულია:

ტბის უბანი – დიდი ბრიტანეთი (13°C)

შამპანი – საფრანგეთი (18°C)

სიცილია – იტალია (21°C)

მემფისი – აშშ (27°C)

თბილისი – საქართველო (23°C)

ბალი – ინდონეზია (30°C)

გამოცემის ცნობით, საქართველოში დასვენების რეკომენდაციას პროვაიდერები, Trailfinders-ი და Exodus Adventure Travels-ი იძლევიან.