როგორ შეიცვალა უძრავი ქონების გასაყიდი ფასი გარეუბნებში და ცენტრში Colliers Georgia უძრავი ქონების ბაზარზე ახალ კვლევას აქვეყნებს
2024 წლის I კვარტალში თბილისში სულ 9824 ბინა გაიყიდა-უძრავი ქონების გასაყიდი ფასი გარეუბნებში და ცენტრში შეიცვალა. აღნიშნულ პერიოდში ახალ პროექტებში ტრანზაქციების 4%-იანი ზრდა ფიქსირდება. ძველ პროექტებში კი 2023 წლის პირველ კვარტალთან შედარებით მაჩვენებელი 16%-ით არის შემცირებული.
Colliers Georgia საცხოვრებელი უძრავი ქონების ბაზრის ახალ მიმოხილვას ავრცელებს, რომლის მიხედვითაც ბაზრის ზომა 3%-ით, 622 მილიონ დოლარამდეა გაზრდილი.
„პირველ კვარტალში თბილისში ახალაშენებული ბინების საშუალო შეწონილი გასაყიდი ფასი გარეუბნებში 8%-ით გაიზარდა, ფართო ცენტრში კი 3%-ით შემცირდა. ქალაქის ცენტრში ცვლილება არ დაფიქსირებულა.
2024 წლის პირველ კვარტალში თბილისში ძველი ბინების საშუალო შეწონილი გასაყიდი ფასი გარეუბნებსა და ფართო ცენტრში 10%-ით გაიზარდა. ქალაქის ცენტრში კი 7%-იანი ზრდა დაფიქსირდა“, – ნათქვამია მიმოხილვაში.
რაც შეეხება მარტის მონაცემებს, მარტში თბილისში 3,127 ბინა გაიყიდა და წინა წლის მარტთან შედარებით 11%-იანი შემცირება დაფიქსირდა. ბაზრის ზომა კი 7%-ით, 199 მილიონ აშშ დოლარამდეა შემცირებული, რაც გაყიდვების კლებითაა განპირობებული.
2024 წლის მარტში კი ახალ პროექტებში ტრანზაქციების 4%-იანი კლება ფიქსირდება. ძველ პროექტებში 2023 წლის მარტთან შედარებით, მაჩვენებელი 25%-ით არის შემცირებული. მარტში თბილისში ახალაშენებული ბინების საშუალო შეწონილი გასაყიდი ფასი 9%-ით გაიზარდა გარეუბნებში, ფართო ცენტრსა და ქალაქის ცენტრში კი 7% და 1%-იანი კლება დაფიქსირდა.
მარტში თბილისში ძველი ბინების საშუალო შეწონილი გასაყიდი ფასი გარეუბნებში 7%-ით გაიზარდა, ქალაქის ცენტრსა და ფართო ცენტრში კი 4% და 14%-იანი ზრდა დაფიქსირდა.
