საქსტატის ახალი ქვლევის თანახმად მარტში მშენებლობა გაძვირდა – იმოქმედებს თუ არა ახალი საცხოვრებლების ფასებზე გაძვირებული მშენებლობა
საქსტატის ახალი კვლევის თანახმად 2024 წლის მარტში მშენებლობის ღირებულებამ წინა წელთან შედარებით 9%-ით მოიმატა. მონაცემების მიხედვით, მშენებლობის გაძვირება დასაქმებულთა ხელფასებისზრდამ გამოიწვია. დარგის ექსპერტების განმარტებით, ფასების ზრდა ახალ აშენებულ ბინებზეც აისახება.
“საქსტატის მონაცემებით, მიმდინარე წლის მარტში მშენებლობა გაძვირდა. კერძოდ, 2024 წლის მარტში მშენებლობის ღირებულების ინდექსი თებერვალთან შედარებით 1%-ით, წინა წლის შესაბამის თვესთან შედარებით კი 9.1%-ით გაიზარდა. ორივე შემთხვევაში ძირითადი მიზეზი ხელფასების მატებაა. წინა თვესთან შედარებით მშენებლობის დარგში დაქირავებით დასაქმებულთა საშუალო თვიური ნომინალური ხელფასი 5.9%-ით, ხოლო წლის ჭრილში 35.3%-ით გაიზარდა.
საერთო ინდექსის ზრდის კიდევ ერთი მიზეზი გაძვირებული მასალებია – ფასი წლიურად 3.4%-ითაა მომატებული. 5.5%-ით გაიზარდა ხარჯები მანქანა-დანადგარების კატეგორიაში, ხოლო ტრანსპორტირების, საწვავის და ელექტროენერგიის მიმართულებით 4.3%-იანი ზრდა დაფიქსირდა.” – წერია საქსტატის მიერ გამოქვეყნებულ კვლევაში.