9 აპრილის ტრაგედიიდან 35 წელი გავიდა- ტრაგედია, რომელმაც საქართველოს ისტორიაში გადამწყვეტი როლი შეასრულა

ყოველი წლის 9 აპრილს უკვე 35 წელია, მოქალაქეები რუსთაველზე პარლამენტის წინ მემორიალთან მიდიან და სიმბოლურად მიაქვთ სანთლები, ყვავილები, რათა ამ დღეს გარდაცვლილთა სულებს პატივი მიაგონ. ნახეთ kalaki.ge-ს ფოტო რეპორტაჟი ტრაგედიის ადგილიდან 35 წლის შემდეგ.

1989 წლის 9 აპრილს, გამთენიისას საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან მშვიდობიანი საპროტესტო აქცია დაარბიეს, რასაც ადამიანთა მსხვერპლი მოჰყვა.

დარბევის შედეგად 21 ადამიანი დაიღუპა, ხოლო ასობით მოქალაქე დაუდგენელი შემადგენლობის გაზით მოიწამლა.

მოგვიანებით, 1991 წლის 9 აპრილს კი უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.

9 აპრილი საქართველოს უახლეს ისტორიაში ჩაეწერა ტრაგედიის და, ამავდროულად, საქართველოს დამოუკიდებლობის აღდგენის დღედ.