ფოტოფაქტი-რა ვითარებაა ვაზისუბანში, სადაც საცხოვრებელი კორპუსის აფეთქებას მსხვერპლი მოჰყვა

ისნის რაიონში, ვაზისუბნის I მ/რ-ის N8 კორპუსში მომხდარი აფეთქების შედეგად, ერთი პირი გარდაიცვალა ხოლო 3 ძლიერ დაშავდა. ჩვენ დავინტერესდით როგორ გამოიყურება კორპუსი სადაც აფეთქება მოხდა. გთავაზობთ kalaki.ge-ს ფოტოგრაფის მიერ გადაღებულ კადრებს, შემთხვევის ადგილიდან.

უბედური შემთხვევა ორი დღის წინ, დღის პირველ ნახევარში მოხდა, სამართალდამცავების წინასწარი გამოძიებით დადგინდა, რომ კორპუსის მეორე სართულზე აფეთქება ბუნებრივმა აირმა გამოიწვია.

ჩვენ დავინტერესდით ადგილობრივების ბედით, რომელთა საცხოვრებლებიდან გაყვანა საჭირო გახდა და თბილისის მერიას დავუკავშირდით.

“ამ ეტაპისთვის სასტუმროში გადაყვანილია ყველა ოჯახი, ვინც დაბინავებაზე თანხმობა განაცხადა. ამასთან, დედაქალაქის მერიის კორპუსის მდგომარეობასა და მდგრადობას თბილისის მუნიციპალური ლაბორატორია შეისწავლის, რის შემდეგაც შესაბამისი ღონისძიებები გატარდება.” -განგვიცხადეს უწყებაში.