Expo Georgia-ში ამ წუთებში, საქართველოს უძრავი ქონების გამოფენა მიმდინარეობს – მიმდინარე და დასრულებული პროექტები ერთ სივრცეში

დღეიდან 26 აპრილიდან 28 აპრილის ჩათვლით Exspo Georgia-ში საქართველოს უძრავი ქონების გამოფენა გაიმართება. ღონისძიების სტუმრები ერთ სივრცეში გაეცნობიან, უძრავი ქონების მიმართულებით, ქვეყნის მასშტაბით, მიმდინარე და დასრულებულ პროექტებს. გთავაზობთ ჩვენს ფოტორეპორტაჟს მიმდინარე ღონისძიებიდან.

Expo Georgia-ში უძრავი ქონებით დაინტერესებულ პირებს შესაძლებლობა ექნებათ, განსაკუთრებული, პირობებითა და შეთავაზებებით ისარგებლონ, როგორც საცხოვრებელი ფართების შეძენისას ასევე კომერციულ და საოფისე ობიექტებზე.

მიმდინარე გამოფენაზე დეველოპერული და სამშენებლო კომპანიები უშუალოდ გააცნობენ მომხმარებელს საკუთარ პროექტებს, გარდა ამისა ღონისძიების ფარგლებში გაიმართება B2B შეხვედრები საინვესტიციო, დეველოპერული და საერთაშორისო საბროკერო კომპანიების წარმომადგენლებს შორის.

შეგახსენებთ, რომ ღონისძიებაზე დასწრება თავისუფალია და ნებისმიერ დაინტერესებულ პირს შეუძლია 28 აპრილამდე ესტუმროს საგამოფენო სივრცეს.