თბილისის რომელ უბნებში იყიდება ყველაზე მეტი ბინა და როგორია საცხოვრებელი უძრავი ქონების განახლებულ მონაცემები

Galt&Taggart-ი თბილისის საცხოვრებელი უძრავი ქონების განახლებულ მონაცემებს აქვეყნებს. დოკუმენტის თანახმად 2024 წლის აპრილში თბილისში 3 220 ბინა გაიყიდა, რაც წლიურად 24.7%-იანი და თვიურად 7.7%-იანი ზრდაა.

კვლევაში აღნიშნულია, რომ აპრილში გაყიდვების რაოდენობის ზრდა დაფიქსირდა როგორც პირველად, ასევე მეორად ბაზრებზე (29.1% წ/წ და 21.3% წ/წ, შესაბამისად).

“საანგარიშო პერიოდში გაყიდული ბინების უდიდესი ნაწილი მდებარეობდა დიდ დიღომში, საბურთალოსა და სამგორის რაიონებში. კვლევის თანახმად, გაყიდვები კრწანისის (-5.9 წ/წ) და მთაწმინდის (-18.8% წ/წ) გარდა თბილისის ყველა რაიონში გაიზარდა.

„ბაზრის სხვა ძირითადი მახასიათებლები უცვლელი დარჩა – გაყიდვებში საშუალო ზომის ბინების (51-80 მ2 ) დომინირება, მათი ხელმისაწვდომობისა და გაქირავების სიმარტივის გამო, და ბიუჯეტური კლასის სეგმენტის (<$1000/მ 2) წილის კლება, რაც გამოწვეულია მზარდი ფასებით“, - ვკითხულობთ კვლევაში.