თბილისის სასტუმროები, რომლებსაც ვიზიტორებისგან ყველაზე მაღალი შეფასება ერგოთ

თბილისი სასტუმროების მრავალფეროვნებით გამოირჩევა - ამ მიმართულებით მსოფლიოშიც არაერთხელ გავითქვით სახელი და ვიზიტორების მხრიდან ჩვენი დედაქალაქის მიმართ დაინტერესებაც დღითი დღე მზარდია. სტუმრებს ხიბლავთ, როგორც ძველი თბილისის იერსახე, ისე უნიკალური დიზაინის ბუტიკ სასტუმროები. ამასთან, ქალაქში წარმოდგენილია, როგორც საერთაშორისოდ აღიარებული ისე ქართული ბრენდული სასტუმროები, რომლებიც იდეალურია ბიზნეს ვიზიტებისა და შეხვედრებისთვის.

განსაკუთრებული მომხიბვლელობით სარგებლობენ ისეთი სასტუმროები, რომლებიც დახვეწილ დიზაინთან და გემოვნებინ ინტერიერთან ერთად, სტუმრებს თავისი ლოკაციით, ქალაქის ისტორიულ უბნებში გადაადგილების საშუალებას მარტივად აძლევს. ასე, რომ თბილისი, როგორც რეგიონალური ცენტრი, მსოფლიოში დღითი დღე უფრო პოპულარული ხდება.

საქართველოს და თბილისის მიმართ მზარდ ინტერესზე ქვეყანაში შემოსული ვიზიტორების მზარდი ნაკადიც მიუთითებს. დედაქალაქში ტურისტული ნაკადების ზრდის პარალელურად კი ბუნებრივია, სასტუმროების რაოდენობა რეკორდულად იზრდება.

Kalaki.ge გთავაზობთ 5-ვარსკვლავიან სასტუმროებსა და აპარტ-ჰოტელებს ძველ თბილისში, რომლებმაც მომხმარებლის მხრიდან ყველაზე მაღალი შეფასება დაიმსახურეს.

Glarros OldTown

გლარროს ოლდტაუნი, ძველ თბილისში 80-იან წლების ადმინისტრაციული შენობის ადგილას, თავისუფლების მოედნიდან 2 წუთის სავალზე, კოტე აფხაზის N15-ში მდებარეობს. თბილისის შუაგულში მდებარე სასტუმროს ამშვენებს კალაუბნისთვის დამახასიათებელი სპირალური კიბე და დერეფნებზე გადაჭიმული უჟანგავი მოზაიკა, ხის პარკეტი და სხვა დიზაინერული გადაწყვეტილება, რაც ხაზს უსვამს ძველი თბილისის არქიტექტურასა და ავთენტურობას.

პროექტის დაფინანსება საუდის არაბეთიდან და ადგილზე, „თიბისი ბანკის“ თანამონაწილეობით განხორციელდა. სასტუმრო, რომლის საინვესტიციო მოცულობა $13 მილიონს შეადგენს, ყველა იმ საერთაშორისო სტანდარტისა და რეგულაციის მიხედვით არის მოწყობილი, რომელიც სტუმრის უსაფრთხოებისა და კომფორტული დასვენებისთვისაა აუცილებელი. ეკო-მეგობრული გარემო, კალაუბნისთვის დამახასიათებელი უნიკალური ლოკაცია, Large King ზომის საწოლები -ეს იმ არასრული ფასეულობების ჩამონათვალია, რაც სტუმრებს Glarros OldTown – ში ხვდებათ. ამასთან, სასტუმროში განთავსებულია 78 ექსკლუზიური დიზაინის ოთახი, სადაც გამოყენებულია მსოფლიოში წამყვანი დიზაინერების ვიზუალები. ისტორიულ უბანში მდებარე სასტუმრო მოიცავს ქართულ-ევროპული ტიპის რესტორანს, შეხვედრების ოთახს, ბიზნეს ცენტრსა და ღია კაფეს, რომელიც სტუმრებს ექსპრესს კონცეფციას სთავაზობს.

სასტუმროს გახსნასა და მის მართვას ქართულ-შვეიცარული საერთაშორისო მენეჯმენტ კომპანია – HSC Group Hospitality ახორციელებს.

Stamba

ვერაზე, თბილისის ცენტრში, კოსტავას N14-ში, იქ, სადაც ერთ დროს, საგამომცემლო სახლი ფუნქციონირებდა, დღეს სასტუმრო „სტამბა“ მდებარებს. რეალური იქნება იმის აღნიშვნა, რომ თბილისის საუკეთესო სასტუმროების არც ერთი რეიტინგი სრულყოფილი არ იქნება, თუ მასში ეს სასტუმრო არ არის მოხსენიებული. „სტამბა“ იმავე კომპლექსშია განთავსებული, რომელშიც სასტუმრო Rooms Hotel Tbilisi მდებარეობს. „სტამბას“ კონცეფცია წარმატებულად აგრძელებს „რუმსის“ ფილოსოფიას, რომელიც ურბანულ კონსერვაციასა და დიზაინში ადგილობრივი კულტურის წინ წამოწევას გულისხმობს. ამასთან ერთად, „სტამბა“ თანამედროვე თბილისის ტალანტებისა და ახალი ტენდენციების აღმოჩენის კერაა.

დიზაინზე ორიენტირებული ოთახებით თუ რესტორნის, ბარისა და კულტურული სივრცეების უნიკალური კონცეფციებით სასტუმრო შთაბეჭდილებას ახდენს როგორც ქართველ, ისე უცხოელ სტუმრებზე. ადგილობრივი შემოქმედებითი ჯგუფის მიერ განახლებულმა და ახალგაზრდა ქართველი სპეციალისტების მიერ მართულმა ამ მიმზიდველმა სასტუმრომ მალევე მოიპოვა საერთაშორისო აღიარება. 2018 და 2019 წლებში Stamba Hotel-მა AHEAD Europe-ის წლის საუკეთესო კონცეფციისა და AHEAD Global-ის ხალხის არჩევანის პრიზები მიიღო. შენობაში ასევეა კაფე „სტამბა“ და „შოკოლატერია“.

ქართული ბრენდის პროექტი, რომლის საინვესტიციო მოცულობა $30 მილიონს შეადგენს, კომპანია Adjara Group-ს ეკუთვნის.

Luxury inn Apart Hotel

Luxury inn Apart Hotel თბილისში, გალაქტიონ ტაბიძის ქუჩაზე 3/5, თავისუფლების მოედნიდან 100 მეტრში, ხოლო საქართველოს ოპერისა და ბალეტის თეატრიდან 1.2 კმ-ში მდებარეობს.

სასტუმრო სრულიად ახალ, ელეგანტურ და კომფორტულ დუპლექსის ტიპის ოთახებს გვთავაზობს. ასევე, თითოეულ ნომერს აქვს დასასვენებელი სივრცე, კეთილმოწყობილი სამზარეულო და საძინებელი მეორე სართულზე. აქ ყველაფერი სტუმრის სიმშვიდეზე და კომფორტზეა გათვლილი. როგორც ჩანს აპარტ-ჰოტელი წყვილებს განსაკუთრებულად ხიბლავთ, რადგან კეთილმოწყობილ ნომრებთან ერთად, ის მათ თანამედროვე გარემოსა და ავთენტური ქართული ხიბლის შესანიშნავ შერწყმას სთავაზობს. აქ მარტივია ჩაეფლო ქალაქის მდიდარ კულტურაში, მომხიბვლელ ისტორიაში და ენერგიულ ატმოსფეროში, რაც Luxury inn-ის კარიდან რამდენიმე ნაბიჯშია.

სტუმრებს შეუძლიათ ყოველ დილით მიირთვან ადგილობრივი ან ინგლისურ/ირლანდიური საუზმე. Luxury Inn-ის მიმდებარედ პოპულარული ღირსშესანიშნაობებია, ისეთები, როგორიცაა: შოთა რუსთაველის სახელობის საქართველოს სახელმწიფო აკადემიური თეატრი და მეტეხის ტაძარი.

Concept 14/16

და ბოლოს, სასტუმრო Concept 14/16, რომელიც თავისუფლების მოედნიდან და საქართველოს ოპერისა და ბალეტის თეატრიდან 40 მეტრში და 1 კმ-ზე ნაკლებ მანძილზე, ჭოველიძის N14/16-ში მდებარეობს.

ისტორიულ უბანში არსებული სასტუმროს მიმართ სტუმრების მხრიდან დაინტერესება მაღალია, რაც შეფასებებზეც აისახება. როგორც ჩანს, დამსვენებლებს ყველაზე მეტად ამ სასტუმროს მდებარეობა და სერვისები ხიბლავთ. გარდა ამისა, Concept14/16-ის ოთახებს აქვს ტერასა მთაწმინდაზე გამავალი ხედებით. სასტუმრო უზრუნველყოფილია ყველა საჭირო სერვისითა და აუზით.

სასტუმრო მდებარეობს 600 მეტრში ქალაქის ცენტრიდან და 1 კმ შოთა რუსთაველის თეატრიდან. Concept14/16-ის მახლობლად ისეთი ცნობილი ღირშესანიშნაობებია, როგორიცაა: წმინდა გიორგის სომხური ტაძარი, მეტეხის მიძინების ეკლესია და პრეზიდენტის სასახლე.