თბილისის ორი ქუჩა სადაც წვიმიან ამინდში გადაადგილება თითქმის შეუძლებელია

kalaki.ge-ს თბილისის ორი ქუჩის მაცხოვრებლები დაუკავშირდნენ, რომლებიც დიდი ხანია პრობლემის მოგვარებას ამაოდ ელოდებიან.

ტაძრისა და მონასტრის ქუჩები გლდანი ნაძალადევის რაიონში ერთმანეთის პარალელურად მდებარეობს. ორი პატარა ქუჩა, სადაც ახალი განაშენიანება სწრაფად მოხდა, მჭიდროდაა დასახლებული. ქუჩებზე გზებს სასწრაფო რეაბილიტაცია სჭირდება ვინაიდან, ავტომობილებს გადაადგილება მზიან ამინდშიც კი უჭირთ. თუმცა წვიმის დროს გზა კიდევ უფრო ზიანდება. ყოველ ფეხის ნაბიჯზე თხრილებია, რომლებიც წყლით ივსება.

ბუნებრივია, დავინტერესდით მიმართეს, თუ არა ადგილობრივ ხელისუფლებას რაზეც მივიღეთ პასუხი, რომ მიმართვიანობა და კომუნიკაცია ორ მხარეს შორის ბოლო წლების მანძილზე არა ერთხელ მოხდა, თუმცა ერთადერთი რაც შეიცვალა ეს დროებითი მეორადი საფარია, რომელიც სულ რამდენიმე თვეში უარეს შედეგს იძლევა. ამიტომ მოსახლეობა ისევ გზის რეაბილიტაციის მოლოდინშია.

kalaki.ge აღნიშნულს შესაბამის სამსახურებში მოიკითხავს და საკითხის გაშუქებას განარძობს.