ერთ ოთახიანი $165000-ად, თბილისის ძველ უბნებში საცხოვრებელი სახლების ფასი ევროპის დედაქალაქების ცენტრალურ უბნებს უტოლდება?

თბილისში, ისტორიულ უბნებში უძრავი ქონების ფასი დღითი დღე იმატებს და არავინ იცის საბოლოოდ როდის დარეგულირდება, რადგან ყველა მფლობელი ბუნებრივია ცდილობს მაქსიმალურად მეტად მოგებული დარჩეს, ამას ხელს იციც უწყობს, რომ არ არსებობს რაიმე მექანიზმი უძრავი ქონების ფასების დასარეგულირებლად. სახლი, რომელიც ახლა გასაყიდად ერთ-ერთმა უძრავი ქონების სააგენტომ გამოიტანა, ნამდვილად მიიპყრობს ვინტაჟური ინტერიერის მოყვარულთა ყურადღებას. ამჯერად სოლოლაკში ერთ ოთახიანი საცხოვრებელი $165000-ად იყიდება.

ერთ ოთახიანი ბინა რომელიც ისტორიულ უბანში სოლოლაკში მდებარეობს, 60 კვადრატულია. ჭერის სიმაღლე 4-მეტრია, ვინტაჟური ავეჯითა და ხიდეტალებით შექმნილი სამზარეულო ძველებურ იერ-სახეს კიდევ უფრო საინტერესოს ჰქმნის. აღსანიშნავია, რომ სახლს ხის იატაკი და ძველებური ქვის კედლები აქვს. განსაკუთრებით საინტერესო სველი წერტილი, სადაც ძველი და ახალი იდეალურად ერწყმის ერთმანეთს.