თბილისის სამი უბანი სადაც იანვარსა და თებერვალში ყველაზე მეტი ახალი მშენებლობა დაიგეგმა

თბილისის სამშენებლო ისტერია გრძელდება ახალი კორპუსები ემატება ძველ და ახალ მისამართებს. სწორედ ახალ მშენებლობებზე აქვეყნებს “გალთ&თაგარტი” კვლევას, რომლის თანახმადაც 2024 წლის იანვარსა და თებერვალში საცხოვრებელი პროექტების მშენებლობისთვის 29 ახალი ნებართვა გაიცა.

დოკუმენტში ვკითხულობთ, რომ, ნებართვების ჯამური საცხოვრებელი ფართები 200,445 მ 2 -ს შეადგენს.
3 უბანი, სადაც ამ ორ თვეში მშენებლობის ყველაზე მეტი ნებართვა გაიცა, არის: დიდი დიღომი – 24%, საბურთალო – 21%, ვაშლიჯვარი – 14%.

აღნიშნული კვლევის თანახმად, 2024 წლის თებერვალში თბილისში 258.8 მლნ დოლარის ღირებულების ბინები გაიყიდა, რაც 4.9%-იანი წლიური ზრდაა.