გარემოსა და ლანდშაფტს ორგანულად შერწყმის იდეალური გადაწყვეტილება, რომელმაც თავლა საცხოვრებლად გარდაქმნა

ცხენებისთვის განკუთვნილ თავლაში, კასპის რაიონში, სოფელ თვალადში 700 მ2-ზე საცხოვრებელი მოეწყო, რომლის მთავარ მიზანსაც გარემოსა და ლანდშაფტს ორგანულად შერწყმის იდეალური გადაწყვეტილება იყო, გამოუვიდათ თუ არა ამ მიზნის მიღწევა თავად განსაჯეთ.

ინოვეციური პროექტის შესახებ ინფორმაციას homeis-აქვეყნებს.

“პროექტის ავტორების გადაწყვეტილებით, ცენტრალურ ნაწილში დაპროექტდა მცირე აუზი და მოსასვენებელი სივრცე. სახლის შესასვლელიდან მარჯვნივ განთავსდა საძინებლის ზონა, ხოლო მარცხნივ – შემინული ტიხრით გამოყოფილი სამზარეულო. მის მომიჯნავედ – დიდი სასადილო ზონა და 3 საფეხურით ჩაწეული მოსასვენებელი კუთხე. აღსანიშნავია ისიც, რომ საძინებლის თავზე დაპროექტდა ანტრესოლი, აქტიური დასვენების ფუნქციით. მთავარი ეზოს მხარეს კი გადახურული, გრძივი აივანი მოეწყო.” – ნათქვამია სტატიაში.