თბილისში, ხუდადოვის ტყესთან საცხოვრებელი კომპლექსი აშენდება

დედაქალაქში კიდევ ერთი საცხოვრებელი სახლის მშენებლობაა დაგეგმილი, რომელიც თბილისის ფილტვებად წოდებულ ხუდადოვის რეკრეაციულ ზონასთან განთავსდება.

ახალ პროექტს, კომპანია “დევარტ გრინ გარდენსი“ ახორციელებს. საცხოვრებელი კომპლექსი მოიცავს: საცხოვრებელ ბლოკებს, საკუთარ შიდა 8 000 კვ.მ ფართობის ეზოს, კვების ობიექტებს, საგანმანათლებლო-გამაჯანსაღებელ სივრცეებსა და სავაჭრო ობიექტებს.

აღსანიშნავია, რომ კომპლექსის პირველი ბლოკის მშენებლობა 2024 წლის ბოლოს დასრულდება, საცხოვრებელი კომპლექსი სრულად კი 2025 წლის დეკემბერში ჩაბარდება.