ქვეყნის მასშტაბით 3, 4 და 5 ვარსკვლავიან სასტუმროებზე ფასებმა მოიმატა

სასტუმროებზე, თბილისსა და ბათუმში 2024 წლის ივლისში, წინა თვესთან შედარებით, 3.6%-ით, ხოლო წინა წლის ანალოგიურ პერიოდთან შედარებით 3.3%-ით გაიზარდა.

PMCG-ის კვლევის თანახმად, ივლისში 3, 4 და 5 ვარსკვლავიანი სასტუმროების ფასების ინდექსი ერთ თვეში 3.7%-ით გაიზარდა, ხოლო წლიურად ფასის ზრდამ 2.9% შეადგინა.

რაც შეეხება საოჯახო ტიპის სასტუმროების ღირებულებას, ფასები ამ შემთხვევაში თვიურად 0.7%-ით, ხოლო წლიურად 5.6%-ით გაიზარდა.

2024 წლის ივლისში, საქართველოში 3-ვარსკვლავიანი სასტუმროების საშუალო ფასმა 178 ლარი, 4-ვარსკვლავიანი სასტუმროების ფასმა – 272 ლარი, საოჯახო ტიპის სასტუმროების საშუალო ფასმა კი 114 ლარი შეადგინა. 5-ვარსკვლავიანი სასტუმროების შემთხვევაში ფასები საშუალოდ 589 ლარით განისაზღვრა.

5-ვარსკვლავიან სასტუმროთა საშუალო ფასი ივლისში ყველაზე მეტი გურიაში იყო, სადაც სტანდარტული 2-ადგილიანი ნომრის საშუალო ფასი 954 ლარი იყო, კახეთში – 683 ლარი, თბილისში – 627 ლარი, აჭარაში კი 583 ლარი.