თბილისში სამტრედიის ქუჩაზე აფეთქება მოხდა-kalaki.ge-ს ფოტორეპორტაჟი შემთხვევის ადგილიდან
თბილისში, ღამის სამ საათზე სამტრედიის ქუჩაზე, ძლიერი აფეთქება მოხდა, რომელმაც საცხოვრებელი კორპუსი მთლინად დააზიანა. აფეთქება საცხოვრებელი კორპუსის პირველ სართულზე, კომერციულ ფართში მოხდა, რომელიც ამ დროისთვის არ ფუნქციონირებდა და იქ სარემონტო სამუშაოები მიმდინარეობდა.
აფეთქება იმდენად ძლიერი იყო, რომ შემთხვევის შედეგად ახლოს მდებარე კორპუსების მინებიც ჩაიმსხვრა. დაზიანებულია ავტომობილებიც.
კორპუსიდან მოსახლეობის ევაკუაცია განხორციელდა, მათი ნაწილი სასტუმროებშია გადაყვანილი.
ადგილზე მობილიზებული არიან შსს-ს საგანგებო სიტუაციების მართვის სამსახურისა და შესაბამისი უწყებების თანამშრომლები.
მომხდარის შედეგად არავინ დაშავებულა. შემთხვევის გამომწვევ მიზეზად ბუნებრივი აირი სახელდება.
