ფოტოფაქტი-თბილისის ცენტრალური სადგურის მიმდებარე ტერიტორია სპეცტექნიკით დასუფთავდა
თბილისის ცენტრალური სადგურის მიმდებარე ტერიტორია სპეცტექნიკით სამშენებლო და საყოფაცხოვრებო ნარჩენებისგან გაწმინდეს და დაასუფთავეს.
სამუშაოებს აქციის სახე ჰქონდა და მასში „საქართველოს რკინიგზის“ თანამშრომლები იყვნენ ჩართული.
„ეს ტერიტორია „საქართველოს რკინიგზის“ მოვლა-პატრონობაშია და ამჯერად აქციის სახით საკმაოდ დიდი მოცულობის ნარჩენები გავიტანეთ. დედაქალაქის მასშტაბით მსგავს ერთობლივ აქციებს სისტემატურად ვგეგმავთ. კიდევ ერთხელ მინდა მოვუწოდო მოქალაქეებს, გთხოვთ, ნუ დავანაგვიანებთ ასეთ ადგილებს“, – განაცხადა „თბილსერვის ჯგუფის“ დირექტორმა დავით ფაჩულიამ.
შეგახსენებთ, რომ აღნიშნულ ტერიტორიაზე დიდი რაოდენობის საყოფაცხოვრებლო ნარჩენები ეყარა, საიდანაც მოქალაქეები ხშირად ავრცელებდნენ სოციალურ ქსელში მასალას.
