რუსთავის მრავალფუნქციური სპორტული კომპლექსის მშენებლობა დასკვნით ფაზაშია – პროექტის ღირებულება დაახლოებით, 21 მილიონ ლარს შეადგენს
რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ქალაქ რუსთავში, საერთაშორისო სტანდარტების მრავალფუნქციური სპორტული კომპლექსის მშენებლობას ასრულებს.
პროექტი აზიის განვითარების ბანკის ფინანსური მხარდაჭერით ხორციელდება და ღირებულება 21 მილიონ ლარამდეა.
ორსართულიანი, დახურული ტიპის სპორტული კომპლექსი 1500 მაყურებელზეა გათვლილი და მასში სპორტის სხვადასხვა სახეობის, კერძოდ – კრივის, კალათბურთის, ხელბურთისა და მინი ფეხბურთის დარბაზები უკვე მოეწყო.
შენობაში გათვალისწინებულია ყველა საჭირო სივრცის: გასახდელების, საკონფერენციო დარბაზის, ინვენტარის შესანახი, დასასვენებელი ოთახებისა და სველი წერტილების მოწყობა.
იქვე განთავსდება ღია კაფე, ავტოპარკინგი და სარეკრეაციო ზონა, ამასთან, სპორტული კომპლექსის მიმდებარედ მოეწყო საფეხმავლო ბილიკები.
მრავალფუნქციური სპორტული კომპლექსი სრულად ადაპტირებულია შეზღუდული შესაძლებლობების მქონე პირებისთვის.
