რა ბედი ელის აეროპორტის ასაფრენ ზოლამდე მოწყობილ ზღვისგან დამცავ ნაგებობას რომლის მშენებლობა 56,9 მილიონი ლარი დაჯდა
ბათუმში, ინფრასტრუქტურული სამუშაო,რომელზეც 56,9 მილიონი ლარი დაიხარჯა ბედის ანაბარაა, რადგან დასრულებულ სამუშაოს მერია არ იბარებს. საუბარია ახალი ბულვარიდან აეროპორტის ასაფრენ ზოლამდე მოწყობილ ზღვისგან დამცავ ნაგებობაზე.
ინფორმაციას ადგილობრივი გამოცება “ბათუმელები ავრცელებს. სააგენტოს ცნობით, რა არის მიზეზი და რატომ არის გაურკვევლობაში, დასრულებული ინფრასტრუქტურული პროექტი, ამაზე ბათუმის მერია ჯერ-ჯერობით კომენტარს არ აკეთებს.
საქართველოს მუნიციპალური განვითარების ფონდის ინფორმაციით კი, ნაპირდამცავი ნაგებობის მიღება-ჩაბარებისთვის საჭირო ყველა პროცედურა დასრულებულია და 2022 წლის თებერვლის შემდეგ ფონდი ამ ნაგებობის მოვლა-პატრონობაზე პასუხისმგებელი არ არის. მოვლა-პატრონობაზე ამ დრომდე უარს ამბობს ბათუმის მერიაც. შესაბამისად, მესამე წელია, რაც ნაპირდამცავ ნაგებობაფაქტობრივად ბედის ანაბარაა, თუმცა ვინ არის პასუხისმგებელი, სახელმწიფო ბიუჯეტიდან მილიონობით დახარჯულ ლარზე ჯერ უცნობია.
