ფოტოფაქტი-ბათუმში სანაპირო ზოლოს სტიქიის შემდგომი სარეაბილიტაციო სამუშაოები გრძელდება

ბათუმში, სტიქიის შედეგად დაზიანებული სანაპირო ზოლის სარეაბილიტაციო სამუშაოები გრძელდება.

ინფორმაციას ბათუმის მერია ავრცელებს, უწყების ცნობით კობალაძის ქუჩიდან კაჩინსკების ქუჩის წრიულამდე მონაკვეთში სანაპირო ზოლის აღდგენა მიმდინარეობს.

“პროექტის ფარგლებში განხორციელდება ნაპირსამაგრი სამუშაოები, რეაბილიტირდება მიმდებარე ტერიტორიაზე არსებული ველობილიკი და პრომენადი. სამუშაოები მიმდინარე წლის მარტის ბოლომდე დასრულდება, რისთვისაც 15 მილიონ 659 ათასი ლარი დაიხარჯება.”-ნათქვამია ბათუმის მერიის მიერ გავრცელებულ განცხადებაში.

შეგახსენებთ, რომ ბათუმში დეკემბრის თვეში ძლიერმა სტიქიამ შავიზღვისპირა ზოლის ინფრასტრუქტურა დააზიანა.