თბილისის საკონცერტო დარბაზთან არსებული შადრევნის რეაბილიტაცია დასრულდა

პროექტი სტორიული იერსახის შენარჩუნებას ითვალისწინებდა-ასე განმარტა დედაქალაქის მერმა თბილისის საკონცერტო დარბაზთან არსებული შადრევნის რეაბილიტაცია. მისივე განმარტებით, ინფრასტრუქტურულ სამუშაოებზე 5 მლნ ლარი დაიხარჯა.

„ეკოსერვის ჯგუფმა“ თბილისის სახელმწიფო საკონცერტო დარბაზის მიმდებარედ, შადრევნის რეაბილიტაცია განახორციელა. სამუშაოები შადრევნის ისტორიული იერსახის შენარჩუნებას ითვალისწინებდა. რეაბილიტაციის ფარგლებში, სრულად განახლდა შადრევნის კედლის წყლის ფარდა, აუზი, ტუმბო-აგრეგატი, მართვის ოთახი და დამცლელი მილი; შეიცვალა შადრევნის კედლის ქვედა ფილები და მოპირკეთდა გრანიტით. მოეწყო განათებები, ამომფრქვევები და ელექტროსადენები.

სამუშაოების ღირებულებამ, დაახლოებით, ნახევარ მილიონ ლარზე მეტი შეადგინა. აღნიშნული ტერიტორია ჩვენ მთლიანად მოვაწესრიგეთ და დღეს, ყველანაირად კეთილმოწყობილია“, – განაცხადა კახა კალაძემ და აღნიშნა, რომ ტერიტორიაზე ასევე, მიწისქვეშა გადასასვლელებიც განახლდა.