ლონდონში ბადრი პატარკაციშვილის 10-მილიონიანი სახლი დაიწვა
dailymail-ის ინფორმაციით, ლონდონში ბადრი პატარკაციშვილის 10-მილიონ ევროდ ღირებული სახლი, რომელშიც მისი ქვრივი ინა გუდავაძე ცხოვრობდა დაიწვა.
გამოცემის ცნობით, სახლი რომლის რეკონსტრუქციაც 3 წელი გრძელდებოდა და ამაში რამდენიმე მილიონი ფუნტი დაიხარჯა, ხანძრის შედეგად სრულად განადგურდა.
ბადრი პატარკაციშვილის ქვრივი სახლში გადასვლას თავის შვილებთან ერთად გეგმავდა. სამ სართულიანი და ცხრა საძინებლიანი სახლი დიდ ბრიტანეთში ინა გუდავაძის ერთ-ერთ საკუთრებას წარმოადგენს.
ხანძარი 23 სექტემბერს გაჩნდა და მის ჩაქრობას რვა სახანძრო ბრიგადა ცდილობდა, ხანძრის გამომწვევი მიზეზი ჯერჯერობით უცნობია.
პატარკაციშვილები სარეის საგრაფოში კიდევ ერთ სახლს ფლობენ. ამ სახლიდან 300 მეტრში მდებარეობს უფრო დიდი სახლი, რომელიც ბადრი პატარკაციშვილმა 2006 წელს შეიძინა და სადაც ის 2008 წელს გარდაიცვალა.
