თბილისში მცხოვრებ 23 ოჯახს საცხოვრებელი ფართები სიმბოლურ ფასად დაუკანონდა
თბილისში, სამგორში მცხოვრებ 23 ოჯახს დედაქალაქის მერმა საკუთრებაში საცხოვრებელი ფართები გადასცა.
ინფორმაცია დედაქალაქის მერიის პრესსამსახურმა გაავრცელა.
„ვუერთდები ამ ადამიანების სიხარულს. 3 000-ზე მეტი ოჯახია ფართებით დაკმაყოფილებული. აღნიშნული პროგრამის განხორციელებას განვაგრძობთ. ჯერ კიდევ რჩება ამ მიმართულებით გამოწვევები, თუმცა ყველა ოჯახს ხელს შევუწყობთ, რომ საცხოვრებელი ფართები, სადაც წლების განმავლობაში ცხოვრობდნენ, მათი საკუთრება გახდეს“, – განაცხადა კახა კალაძემ.
აღსანიშნავია, რომ დედაქალაქში ფართების დაკანონებას, ასობით ოჯახი ელოდება. მერიის ინფორმაციით, მათი განხილვა და დაკმაყოფილება ეტაპობრივად მიმდინარეობს.
