რამდენად გამძლეა მიწისძვრის დროს საბჭოთა პერიოდში აწყობილი კონსტრუქციები – რა ინფორმაციას აქვეყნებს სესისმოლოგი

თბილისს, რომელსაც სეისმურად აქტიური მდებარეობა აქვს, ძველი შენობები, რომელთა უმეტესობასაც ექპლუატაციის ვადა დიდი ხანია ამოეწურა, საშიშროებას წარმოადგენს თბილისელებისთვის. ამ საკითხზე დიდი ხანია სეისმოლოგები ღიად საუბრობენ და შესაბამის უწყებებსა თუ მოქალაქეებს აფრთხილებენ.

ილიას სახელმწიფო უნივერსიტეტის პროფესორი, სეისმოლოგი თეა გოდოლაძემ სოციალურ ქსელში, ინფორმაცის გაავრცელა, რასაც kalaki.ge უცვლელად გთავაზობთ.

„რაც შეეხება “ხრუშჩოვკებს”და საბჭოთა ანაწყობი ტიპის კონსტრუქციების მდგრადობას მიწისძვრის დროს: ზოგად საუბარს მაგალითით საუბარი სჯობს ბევრად. სპიტაკის მიწისძვრა 1988 წელს მოხდა. ქალაქ გიუმრში 19 000 ადამიანი 25 წამში გარდაიცვალა. სულ 38000 ადამიანის სიცოცხლე შეიწირა ამ მიწისძვრამ. საბოლოო ციფრიც ყოველთვის არაა ზუსტი. ოჯახები განადგურდა მთლიანად. Ms=6.8. სპიტაკში მაქსიმალურმა აჩქარებამ გრუნტზე 0.7g-ს მიაღწია.

1991 წლის რაჭის მიწისძვრა. დაიღუპა 270 ადამიანი. ძირითადი მსხვერპლი გამოიწვია მიწისძვრის დროს ჩამოწოლილმა ხახიეთის მეწყერმა, რომელმაც სოფელი მთლიანად დაფარა. მაგნიტუდა Mw=7!

რაჭის მიწისძვრა სპიტაკის მიწისძვრაზე ძლიერი იყო. მაშ რა მოხდა?! მოსახლეობის სიმჭიდროვე და საბჭოთა ანაწყობი ტიპის კორპუსები, რომლებიც რასაც ჰქვია, „თეძოში გაიშალნენ”! ჰო, საბჭოთა „ბანძი“ კორპუსების მსხვერპლი გახდა სომხეთის უდანაშაულო მოსახლეობა, საბჭოთა კორუფციის მსხვერპლი! ერთსართულიანი და ორსართულიანი რაჭა-იმერეთი, კიდევ კარგად გადაურჩა კავკასიის ინსტრუმენტულად რეგისტრირებულ ყველაზე ძლიერ მიწისძვრას! ნუ დაუჯერებთ მითებს“, – წერს თეა გოდოლაძე სოციალურ ქსელ „ფეისბუქზე“.