მუშავდება თუ არა „ლილო მოლის“ განვითარების გენგეგმა
დღეისთვის სავაჭრო ცენტრში 6 000-მდე მაღაზიაა, სადაც 4 000-მდე მეწარმე მუშაობს.
„ლილო მოლის“ გენერალური დირექტორი გიორგი კვარაცხელიას ინფორმაციით განაშენიანების გენერალური გეგმის შემუშავებით შესაძლებელი იქნება იმის თქმა, რა ინვესტიციით და როგორ განვითარდება სავაჭრო ცენტრი.
„ვმუშაობთ გენგეგმაზე და მხოლოდ ამის შემდეგ შეგვეძლება გაფართოებაზე ფიქრი. ეს სავაჭრო ცენტრის განაშენიანების გენგეგმაა, რომელიც წლის ბოლომდე შემუშავდება და საბოლოო დოკუმენტის მიხედვით ვიფიქრებთ განვითარებისთვის საჭირო ინვესტიციების განხორციელებაზე. გენგეგმაზე დიდი ხანია ვმუშაობთ და ეს მენეჯმენტის გადაწყვეტილება იყო. ჯერჯერობით საკითხზე მუშაობა მიმდინარეობს და დეტალებზე საუბარი პროცესის დასრულების შემდეგ იქნება შესაძლებელი“, – აღნიშნა გიორგი კვარაცხელიამ.
