კერძო სახლებზე ფასები კიდევ გაიზარდა-რა ღირს დედაქალაქის სხვადასხვა უბანში?

მთელი წლის მანძილზე სხვადასხვა სტატისტიკის მიხედვით კერძო სახლებზე მოთხოვნა დღითიდღე იზრდება, შესაბამისად მოთხოვნა ფასებზეც აისახება.

“საქსტატის“ მონაცემებით, 2023 წლის მეორე კვარტალში, წინა კვარტალთან შედარებით, ფასების ზრდა დაფიქსირდა როგორც საცხოვრებელი ბინების სეგმენტში (3.4 პროცენტი), ისე კერძო სახლების სეგმენტში (1.6 პროცენტი). ასევე 2022 წლის მეორე კვარტალთან შედარებით ფასების ზრდა დაფიქსირდა, კერძო სახლებზე 16.2 პროცენტით.

„საქსტატის“ მონაცემებითვე, 2023 წლის მე-2 კვარტალში კერძო სახლების ღირებულება (1კვ.მ) დედაქალაქის სხვადასხვა უბნებში შემდეგი იყო:

მთაწმინდა – 3 776 ლარი;
ვაკე – 3 647 ლარი;
საბურთალო – 2 811 ლარი;
დიდუბე – 2 628 ლარი;
ჩუღურეთი – 2 622 ლარი;
ისანი – 2 287 ლარი;
კრწანისი – 2 272 ლარი;
ნაძალადევი – 2 170 ლარი;
სამგორი – 2 123 ლარი;
გლდანი – 1 955 ლარი.

აღსანიშნავია, რომ დარგის ექსპერტები აგვისტოს თვეში თბილისში უძრავი ქონების 15%-ით გაძვირებას ვარაუდობენ.