ფოტოფაქტი-ბათუმში ღამის თავშესაფრის რეკონსტრუქცია მიმდინარეობს, ვის შეეძლება ისარგებლოს თავშესაფრით?

ღამის თავშესაფარი, უნდა ითქვას, რომ უამრავი ადამიანისთვის დიდი შვებაა. თუმცა ამ დრომდე არსებული შენობა იმდენად მძიმე მდგომარეობაში იყო, რომ არც იქ ცხოვრება იყო მარტივი. ამ დროისთვის ადგილზე სარეაბილიტაციო და სარემონტო სამუშაოები მიმდინარეობს.

ანტისანიტარია, ავარიული კედლები და გაუსაძლისი სოციალური პირობები. ასეთი იყო შენობა, რომელიც წესით უამრავი ადამიანისთვის არსებული რეალობის გამოსავალი უნდა იყოს. თუმცა აქვე უნდა ითქვას იყო კი გამოსავალი?

ახალი შენობის რეაბილიტაციისა და კეთილმოწყობისთვის სახელმწიფო ბიუჯეტიდან 2 მილიონ 500 ათასი ლარი გამოიყო.

დროებით თავშესაფარში განთავსებას და ღამის გათენებას 70 ბენეფიციარი შეძლებს, მათ საჭირობისამებრ, ექნებათ სამედიცინო დახმარება და ერთჯერადი კვება.