ფოტოფაქტი kalaki.ge-ს ფოტორეფორტიორის ობიექტივიდან-“გადასასვლელელი ხიდი” როგორც დედაქალაქის “ღირსშესანიშნაობა”
ყველა თბილისელმა "გადასასვლელი ხიდის" ღირსეშანიშნაობა" კარგად იცის. დედაქალაქის შუაგულში არც ის და არც მის მიმდებარე ბაზრობები მაინდამაინც ვერ ამშვენებს თბილისს, თუმცა ამაზე განხილვითაც დაღლილი თბილისელები, ბედს შეეგუვნენ და უცნაურ ხიდს ყოველ ჯერზე ფრთხილად გადადიან, რადგან ერთი შეხედვითაც ის არც თუ ისე უსაფრთხოდ გამოიყურება.
ჩვენმა რეპორტიორმა, ვაგზლის ბაზრობიდან დადიანის ქუჩაზე სწორედ “გადასასვლელი ხიდით ისარგებლა. ეს კადრები ნამდვილად გამოგზაურებთ მისტიკურ ობიექტზე, რომელიც ერთდროულად სავაჭრო და უბრალოდ საცალფეხო ხიდის ფუნქციას ასრულებს.
საფეხურები, რომელიც ხიდზე ადის სავაჭრო ობიექტადაა ქცეული. სხვადასხვა საფეხურზე სხვადასხვა სახის ფროდუქციას ნახავთ. მათ შორისაა საკვები თუ ტანსაცმელი. თავად საფეხურები კი ალაგ-ალაგ ჩატეხილი და დაზიანებულია, თუმა ეს მოვაჭრეებს ხელს არ უშლით.
ხიდზე გადასვლისას კი ნამდვილი თავგადასავალი იწყება. ინფრასტრუქტურული ობიექტი, რომლის სიგრძე 1290 კვადრატული მეტრია საქართველოს რკინიგზის მფლობელობაშია.
ხიდის რეკონსტრუქცია, ორიათასიანი წლების დასაწყისში განხორციელდა, მას შემდეგ საცალფეხო მონაკვეთზე უამრავი ადამიანი დიდი სიფრთხილით გადაადგილდება და ამას არაერთი მიზეზი აქვს.
პირველ რიგში უნდა ითქვას, რომ ინფრასტრუქტურულად კონსტრუქცია დიდი ხანია რეაბილიტაციას საჭიროებს, ისედავ ვიწრო გადასასვლელი სავაჭრო ობიექტებმა კიდევ უფრო დაავიწროვა და მეტიც, თითქმის აღარაა თავისუფლად გასავლელი ადგილი, რადგან ყველგან გასაყიდი ნივთებია განლაგებული, აქ ნახავთ როგორც მეორადს ასევე ახალ ტანსაცმელს.
ამ მისტიკური ხიდის გავლა ყველაზე რთული ზაფხულის ფერიოდშია, რადგან ჟანგბადი ტერიტორიაზე, ფაქტობრივად არ არის. თუ როგორ ძლებენ მოვაჭრეები ეს კიდევ ცალკე საკითხია.
და მაინც, იგეგმება თუ არა ოდესმე “გადასასვლელი ხიდის რეაბილიტაცია ან რაიმე სახით ცვლილება, ეს ის კითხვაა რომელიც წლების მანძილზე პასუხგაუცემელი რჩება.
