სასტუმრო „დრიმლენდ ოაზისი“ განცხადებას ავრცელებს
სასტუმრო „დრიმლენდ ოაზისი“ გუშინ მომხდარ უბედურ შემთხვევასთან დაკავშირებით განცხადებას ავრცელებს, რომელსაც უცვლელად გთავაზობთ:
„სასტუმრო დრიმლენდ ოაზისი და მისი თითოეული თანამშრომელი ღრმა მწუხარებას გამოხატავს და უსამძიმრებს გარდაცვლილის ოჯახსა და ახლობლებს.
მომხდარმა უბედურმა შემთხვევამ შეძრა, როგორც მოსახლეობა, ასევე სასტუმროს ადმინისტრაციის თითოეული წევრი და სტუმარი. აღნიშნულ საკითხზე მიმდინარეობს საგამოძიებო მოქმედებები. კომპანია სრულად თანამშრომლობს გამოძიებასთან, მიწოდებულია ვიდეო მასალა და მიმდინარეობს თვითმხილველთა გამოკითხვა. სასტუმროს ტერიტორიაზე შეჩერებულია გასართობი და მუსიკალური აქტივობები და გაუქმებულია ყველა დაგეგმილი ღონისძიება“ – წერია სასტუმროს ფეისბუქ-გვერდზე.
შეგახსენებთ, რომ უბედური შემთხვევა გუშინ მოხდა. სასტუმროს აუზში 5 წლის ბავშვი გარდაიცვალა. გამოძიება ამ დრომდე მიმდინარეობს.
