დაზიანებული კანალიზაცია, რომელიც თბილისის ზღვაში ჩაედინებოდა-როგორ მოაგვარდა პრობლება
თბილისის ზღვაზე, ერთ-ერთი კანალიზაცია დაზიანდა და მთელი სიბინძურე ზღვაში ჩაედინებოდა. ეკოლოგიური კატასტროფა, რომელიც დედაქალაქელებისთვის დიდ საფრთხეს წარმოადგენს, ერთ-ერთმა მოქალაქემ ერთი თვის წინ შენიშნა, მთელი ეს პერიოდი თბილისის მერიასა და სასმელი წყლის კომპანიას GWP-ის არწმუნებდა სწრაფად მოეგვარებინათ აღნიშნული პრობლემა. საკითხის შესწავლასა და მოგვარებას ერთი თვე დასჭირდა თუმცა, დღეს როგორც გაირკვა საკანალიზაციო სისტემის თავი რომელიც დაზიანებული იყო, აღდგენილია.
“გილოცავთ ყველას დღეს ვიყავი თბილისის ზღვაზე ასული და ახალი მილი ჩაუდიათ მიწაში და ჭაც გაუსუფთავებიათ – აღარ ჩადის ამ ადგილიდან კანალიზაციის უსუფთაობა ზღვაში. (სამწუხაროდ რამდენიმე თვეა ჩადიოდა) მეთევზეებმა კიდევ ორი ადგილი მითხრეს და გადასამოწმებელია. მოკლედ GWP-მ ივაჟკაცა. მაგრამ ამას მე კი არ უნდა ვაკეთებდე, უნდა გარშემო უვლიდეს მუდმივად ვიღაც და ამოწმებდეს.”- წერს ხოსე მაჯინერე.
აღსანიშნავია, რომ აღნიშნული პრობლემის ნახვა და მოგვარება სამოქალაქო პასუხისმგებლობით მოხდა, ალბათ ეს არის მთავარი ბერკეტი რითაც ადამიანები გარემოს დაცვასა თუ სხვა მნიშვნელოვანი პრობლემების აღმოფხვრას შეძლებენ.
