დეველოპერები აუთვისებელი ტერიტორიების განაშენიანებას შეუდგნენ – დანელიას ქუჩაზე მიმდინარე მასშტაბური მშენებლობები

ქალაქები განაშენიანების წყალობით შეიქმნა - დიახ, „განაშენიანების“ სიტყვა, რომელიც დღეს ასე გვაშინებს, იმის ნაცვლად, რომ ის ოპტიმიზმთან ასოცირდებოდეს. რატომ არიან ადამიანების უმრავლესობა დღეს ასე განწყობილნი, სიტყვა „შენება“, „ახლის შექმნა“ ხომ დადებითი მოვლენაა? რა ხდება? რატომ ასოცირდება ეს სიტყვა ჩვენთან ერთ დიდ ლაბირინთთან, ქალაქის გადატვირთვასთან, საცობებთან, ეკოლოგიურ პრობლემებთან?

მასობრივი განაშენიანების ფონზე მიღებულმა ქაოსმა გამოიწვია ის, რომ ადამიანებს უკმაყოფილების განცდა უჩნდებათ. ქუჩები, რომლებიც ერთ დროს გათვლილი იყო ასეული მანქანის გადაადგილებაზე, დღეს ათასობით მანქანას უწევს მოძრაობა, სივრცის გადატვირთვა კი ადამიანებს დისკომფორტს უქმნის.

თბილისი იმდენად გადაიტვირთა, დეველოპერები უკვე ქალაქის განაპირა, აუთვისებელი ტერიტორიების განაშენიანებასაც შეუდგნენ. შენობა კი რომლის აშენებაც იგეგმება ბუნებრივია, მისამართს საჭიროებს. ასეთი შემთხვევები მრავლადაა, მაგალითად:

ვაკეში, უნივერსიტეტის ქუჩის ნაწილს და მის მიმდებარე უსახელო ქუჩას გამოჩენილი რეჟისორის გიორგი დანელიას სახელი, სულ რაღაც 4 წლის წინ მიენიჭა. ქუჩაზე უმალ უკვე გაჩნდა ახალი მშენებლობები. დეველოპერები დიდი ინტერესით შეუდგნენ ქუჩის განაშენიანებას.

„საქართველოს ბანკი“, როგორც ძლიერი კერძო ფინანსური ინსტიტუტი, ბიზნესის მხარდაჭერას აქტიურ რეჟიმში განაგრძობს. ამ მიზნით, ბანკთან თანამშრომლობით, სამშენებლო კომპანია „იდეა დეველოპმენტი“ ახალ მულტიფუნქციური საცხოვრებელი კომპლექსის სამშენებლო პროექტს – „იდეა პანორამას“, ვაკე – საბურთალოს ტერიტორიაზე, გ. დანელიას ქუჩაზე ახორციელებს.

„იდეა პანორამა” თბილისის ცენტრთან სიახლოვეში და ამავდროულად ქალაქის აურზაურისგან მოშორებით მდებარეობს, კერძოდ საბურთალოზე, გ. დანელიას #57-ში. პროექტის მშენებელობა მოიცავს 12-სართულიან ბლოკს, რომელიც 161 პრემიალურ აპარტამენტს აერთიანებს. თითოეული ბინიდან იშლება ხედი მდ. ვერეს ხეობაზე, ბაგებისა და წყნეთის მიმართულებით. პროექტის ყველა ბინას აქვს ფართო, მრავალფუნქციური ტერასა აივნის ნაცვლად, ხოლო აპარტამენტების თითოეული ოთახი მიმართულია ხედისკენ.

მიმდინარე პროექტი ქალაქის ცენტრალური პარკისაგან 13 წუთის სავალზე, ვაკე-საბურთალოს დამაკავშირებელი გზა 12 წუთის სავალზე, საბურთალო-ბაგების დამაკავშრებელი ხიდი 5 წუთის სავალზე, მეტრო უნივერსიტეტი კი 7 წუთის სავალზე მდებარეობს.

„იდეა დეველოპმენტი“ მომხმარებელს სთავაზობს აპარტამენტების ფართო არჩევანს, რომლის მინიმალური ფართობი 53 მ²-დან იწყება, ხოლო მაქსიმალური 207 მ²-ია. მშენებლობის დასრულებისა და სარემონტო სამუშაოების დაწყების ვადა 2025 წლის შემოდგომაა.

კომპლექსი უზრუნველყოფილია მიწისქვეშა დაცული ავტოსადგომით, რომელზეც წვდომა მხოლოდ მობინადრეებს ექნებათ. მობინადრეების დაცულობას კი უზრუნველყოფს 24 საათიანი გარე პერიმეტრის და საერთო სარგებლობის სივრცეების ვიდეო-სამუთვალყურეო სისტემა.

კომპლექსის ტერიტორიაზე განთავსდება სკვერი საბავშო სათამაშო ზონებით, სათამაშო მოედანი და პადელის მოედანი.

„იდეა დეველოპმენტი“ ასევე უზრუნველყოფს საერთო სარეკრეაციო ზონების მოწყობას, კერძოდ კი სასეირნო ბილიკებსა და საერთო გამწვანებულ ტერასას.

მობინადრეებს ბინები მწვანე კარკასის მდგომარეობით ჩაბარდებათ, ალუმინის გარე კარ-ფანჯარა, მდფ-ით მოპირკეთებული შესასვლელი კარი, მოჭიმული იატაკი, გალესილი კედლები, შეყვანილი კომუნიკაციები (გაზი, წყალი, ელ. ენერგია), ელექტოგაყვანილობა ოთახებში გეგმარების მიხედვით, გათბობის ქვაბი მილგაყვანილობით, სათავსოები გათბობის ქვაბისთვის და კონდიცირების გარე ბლოკებისთვის, საშვთა სისტემა და ვიდეო ფონი, მოპირკეთებული ტერასები ყინვაგამძლე გრანიტით. ბინების ფასი კვადრატულ მეტრზე 1 113 დოლარიდან იწყება.

დანელიას ქუჩის #12-ში კი ორი 6-სართულიანი კომპლექსი „Filigreen“-ი განთავსდება. პრემიალური ხაზის საცხოვრებელი პროექტი დეველოპერულ კომპანია „თეთრ კვადრატს“ ეკუთვნის.

რამდენიმე ათას კვადრატულ მეტრზე განთავსდება გარე აუზი, ჩოგბურთის ორი კორტი, ფეხბურთისა და კალათბურთის სპორტული მოედანი. როგორც კომპანიაში მიიჩნევენ, ეს მობინადრეებს დაეხმარებათ, ეზოდან გაუსვლელად დაკავდნენ სასურველი აქტივობებითა და ჯანსაღი ცხოვრების სტილი შეინარჩუნონ.

სახლი აღიჭურვება გენერატორით, რომელიც უზრუნველყოფს სახანძრო უსაფრთხოების სისტემების, ლიფტების, პარკინგის, კორიდორების, საზოგადოებრივი სივრცის და შიდა ეზოს საევაკუაციო და ავარიულ განათებას. ასევე, სახლების გარე და შიდა კედლები შენდება ენერგოეფექტური YTONG-ის ბლოკით. ამ მასალით აშენებული კედელი ოთახის ტემპერატურას უფრო დიდხანს ინარჩუნებს და უზრუნველყოფს ხმის იზოლაციას. სახლებში დაყენებული ალუმინის ორმაგი მინა-პაკეტის კარ-ფანჯარაც ენერგოეფექტურია.

ბინები სხვადასხვა საჭიროებებზეა მორგებული: ახალი ოჯახებისთვის, გასაქირავებლად, საინვესტიციოდ თუ დიდი ოჯახებისთვის. კომპლექსში წარმოდგენილი 80 ბინის მინიმალური ფართი 67,3მ²-დან იწყება, ხოლო მაქსიმალური 139,1მ²-ია. ბინები მომხმარებელს სურვილის მიხედვით თეთრი კარკასით ან დასრულებული რემონტით ჩაბარდებათ. „Filigreen“-ში 1 კვადრატული მეტრის ფასი 1 555 დოლარიდან იწყება.