ბათუმში კულტურული მემკვიდრეობის ძეგლის სტატუსის შენობას, კიდევ ერთი სართული დააშენეს

დაშენება, ძველი ბათუმის მე-20 საუკუნის შენობაზე განხორჩიელდა.

ძველ ბათუმში, კულტურული მემკვიდრეობის ძეგლის სტატუსის მქონე სახლები, თითქმის ყველა ავარიულ მდგომარეობაშია და რეაბილიტაციას საჭიროებს, გარდა ამისა ძეგლის სტატუსის მატარებელ შენობა-ნაგებობაზე, რაიმე სახის სამუშაოების განხორციელება შესაბამისი უწყების ნებართვის გარეშე კანონით ისჯება, თუმცა როგორი უცნაურიც არ უნდა იყოს, ძვენ სენებაზე, დაშენების უფლება ოფიციალურადაა გაცემული.

კულტურული მემკვიდრეობის ეროვნული სააგენტოს ვებგვერდზე გამოქვეყნებული ინფორმაციის თანახმად, ბათუმში, მემედ აბაშიძის #9-ში მდებარე შენობა XX საუკუნის დასაწყისშია აშენებული. ის ერთ დროს სასტუმრო „რივიერა“ იყო, რომლის მეპატრონეც ვინმე იოსიფიდი ყოფილა. სახლში გარკვეული პერიოდი [1918-21 წ.] უცხოვრია საზოგადო მოღვაწე მემედ აბაშიძეს. 1992 წლიდან შენობის ნაწილში მისი სახელობის სახლ-მუზეუმი ფუნქციონირებს.

სპეციალისტების დახასიათებით, ორსართულიანი შენობა კლასიცისტურ-ბაროკოულ სტილშია გადაწყვეტილი. ის თავისი პროპორციითა და გაბარიტით ქუჩის მჭიდრო განაშენიანებაში მნიშვნელოვან როლს თამაშობს. ასევე გამოირჩევა მაღალი სამშენებლო ოსტატობითა და დეკორატიული ელემენტების დახვეწილი გამოყენებით.