კიდევ გაძვირდება თუ არა ბათუმში უძრავი ქონება?
ზღვის სეზონი გაიხსნა და შავიზღვისპირა ქალაქში უძრავ ქონებაზე დაინტერესება კიდევ უფრო გაიზრდა, თუმცა ჯერ-ჯერობით ფასები ნარჩუნდება.
დეველოპერული კომპანია Elt building-ის კომერციული დირექტორის ვალერი გურგენიძე მედიასთან განმარტავს,რომ მთავარი პრობლემა, რომელიც შეიძლება გაჩნდეს 2-3 წლიან პერსპექტივაში არის ჭარბი მიწოდება სასტუმროს ტიპის აპარტამენტების, რომელიც ბათუმში აქტიურად ვითარდება.
” ამ რისკების დასაზღვევად აქტიურ მოლაპარაკებებში ვართ საერთაშორისო მმართველ კომპანიებთან, რომლებსაც მრავალწლიანი გამოცდილება აქვთ ამ ტიპის აპარტამენტების და სერვისი მიწოდების მხრივ. ჩვენ საკმაოდ დიდი თანხის ინვესტირებას ვახორციელებთ ამ მხრივ, ეს არის ერთგვარი გარანტიის მიცემა და დაზღვევა ჩვენი ინვესტორებისთვის, ჩვენთვისაც, რომ ჩვენი გაცემული დაპირება იქნება შესრულებული.
ფასების ზრდას ორი განსხვავებული მიზეზი აქვს. ერთი ის, რომ რეალურად გაძვირდა მშენებლობა, თვითღირებულება ყველა კომპანიას გაუძვირდა, თუმცა აქვს ირიბი ფაქტორებიც, რაც რეგიონში ომმა გამოიწვია. მოთხოვნა სწრაფად გაიზარდა და ამან გამოიწვია ფასის ზრდაც, თუმცა მე ვთვლი, რომ ფასის სეგმენტი, რაც ახლა უკავია ბათუმს, შენარჩუნებადია. ზრდის პროგნოზირება ამ ეტაპზე ძალიან რთულია, თუმცა ინვესტორებისთვისაც, მესაკუთრეებისთვისაც, ბათუმის მოსახლეობისთვის, კერძო მცირე ბიზნესისთვის ამ ფასის შენარჩუნება, ძალიან მომგებიანი იქნება.” განაცხადა გურგენიძემ.
