ბათუმი ავარიული სახლების გარეშე-შავიზღვისპირა ქალაქში მასშტაბური პროექტისთვის 100 მლნ ლარი დაიხარჯება
ბათუმი ავარიული სახლების გარეშე-ასე ჰქვია პროექტს, რომელსაც აჭარის მთავრობა განახორციელებს, შავიზღვისპირა ქალაქში მასშტაბური პროექტისთვის 100 მლნ ლარი დაიხარჯება. ინფორმაციას აჭარის ავტონომიური რესპუბლიკის მთავრობის პრესსამსახური ავრცელებს.
ბათუმის სხვადასხვა მისამართზე, საცხოვრებელი ფართები 120 ოჯახზეა გათვალისწინებული. ამ ეტაპზე მშენებლობა და გამაგრება-რეაბილიტაცია მიმდინარეობს 9 მისამართზე და უკვე დასრულდა 12 მისამართზე.
შეგახსენებთ, რომ „ბათუმი ავარიული სახლების გარეშე“ პროგრამის განხორციელების შედეგად 3000-ზე მეტი ოჯახისთვის უსაფრთხო საცხოვრებელი გარემო შეიქმნება. მოსახლეობას ბინები სრულად გარემონტებულ მდგომარეობაში გადაეცემა.