ამორტიზებულია თუ არა დინამო არენა და წარმოადგენს თუ არა საშიშროებას – ექსპერტები სპორტულ ინფრასტრუქრურას სწავლობენ

ისტორიული “დინამო არენას” ბედი ახლა ექსპერტების ხელშია, მათ უნდა დაადგინონ წარმოადგენს თუ არა საფრთხეს სპორტული ინფრასტრუქტურა.

ჟურნალისტებთან საუბრისას პრემიერმა განაცხადა, რომ “დინამო არენას” ექსპერტიზაზე შესაბამისი უწყებები არიან პასუხისმგებელი.

„რაც შეეხება კონკრეტულ ინფორმაციას „დინამო არენას“ ექსპერტიზასთან დაკავშირებით, ამაზე შესაბამისი უწყებები არიან პასუხისმგებელი და ისინი მოგაწვდიან დეტალურ ინფორმაციას. იცით, რომ ჩვენ გვაქვს კონკრეტული გეგმა და ეს არის ახალი სტადიონის მშენებლობა. თბილისს უნდა ჰქონდეს სრულიად ახალი სტადიონი 70 ათას მაყურებელზე გათვლილი, რომელსაც ექნება საშუალება, უმასპინძლოს უმაღლესი დონის თამაშებს ჩემპიონთა ლიგის ფინალის ჩათვლით. ეს იქნება უნიკალური შესაძლებლობა ჩვენი ქვეყნისთვის, რაც მთლიანად ქვეყნის იმიჯზეც ძალიან დადებითად აისახება. ამიტომ ჩვენ გვაქვს კონკრეტული გეგმა და მივყვებით ამ გეგმას“, – განაცხადა ირაკლი კობახიძემ.

აღსანიშნავია , რომ 26 მარტს სტადიონმა უამრავ მაყურებელს უმასპინძლა, ჟურნალისტების კითხვაზე წარმოადგენდა თუ არა მაშინ საფრთხეს მაყურებლებისთვის, ირაკლი კობახიძემ განმარტა, რომ იმ დროისთვის საფრთხე არ არსებობდა.

„რაც შეეხება წინა თამაშებს, არც ერთი თამაში არ ჩატარებულა რაიმე რისკის პირობებში ამაზე ვარ პასუხისმგებელი. რაცშეეხება სამომავლოდ რა, როგორ იქნება, ამასთან დაკავშირებით საზოგადოება მიიღებს ინფორმაციას, ყველა რისკი იქნებადაზღვეული“, – განაცხადა პრემიერმა.