თბილისში მშენებლობისას, კედლის ჩამოშლას ორი ადამიანის სიცოცხლე ემსხვერპლა
ართვინის ქუჩა N67-ში, ჩუღურეთის რაიონის გამგეობის დაკვეთით, კომპანია „ოუ ნი“ ასრულებდა გრუნტის დამჭერი კედლის მოწყობის სამუშაოებს, რა დროსაც ჩამოიშალა ავარიული ფერდობის მასა და მოიყოლა კომპანიის ორი თანამშრომელი.
თბილისის მერიის ინფორმაციით, მომხდარ ფაქტზე დაწყებულია გამოძიება, რომელიც დაადგენს, რამ გამოიწვია ფერდის ჩამოშლა.
შინაგან საქმეთა სამინისტროში ადასტურებენ, რომ ფაქტზე გამოძიება 240-ე მუხლით დაიწყო.
