ქუჩა, რომლის თითქმის ყველა სახლი არქიტექტურული ნიმუშია
სოლოლაკი - უბანი თბილისში, რომლის ყოველი დათვალიერებისას, სხვადასხვა შენობის მონათხრობის გაგებით, შეიძლება ისტორიის ახალი ფურცელი გადაშალო. ადგილობრივების მონაყოლი საოცარ განწყობას გიქმნის და ისტორიის იმ ხანაში გაგრძნობინებს თავს, რომელშიც ეს შენობებია აგებული. არ გბეზრდება მის ქუჩებში ხეტიალი, სულ ახალი და ახალი ამბის მოსმენის მოლოდინში. ზოგი მათგანი სინამდვილეა, ზოგი ლეგენდა, ზოგიც კი უბრალოდ ძველი დროიდან მოყოლილი მონაჭორი, მაგრამ მაინც დაგაინტრიგებს და სულ ახლის აღმოჩენას შეეცდები.
